« Ivonis, episcopi Carnotensis, super licencia ecclesie construende monachorum de Bello Loco. »
- A Original en parchemin. Arch. dép. Eure-et-Loir, RES 7 (ancienne cote : fonds du Chapitre, carton IX, G, 1).
- B Bibl. nat. de France, carton 28, p. 50; et carton 28 bis, fol. 23r°.
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« In nomine sancte et individuę Trinitatis, Patris et Filii et Spiritus Sancti. Ego Ivo, licet indignus æcclesię Carnotensis episcopus, notum volo fieri omnibus, tam presentibus quam futuris, quod domnus Hugo, venerabilis abbas Cluniacensis monasterii, cum grege sibi commisso, et maxime fratres de Karitate parvitatem nostram humiliter adierunt, petentes ut eis concederem fieri et consecrari monasterium extra urbem Carnotanam, in loco quem Guillelmus ad edificandum monasterium elegerat1. Quorum peticio quia digna impetratione et multis profutura visa est, assensu confratrum nostrorum canonicorum Beatę Marię, in supradicto loco monasterium fieri et consecrari concessimus, ea conditionis lege ut omnem obedientiam et subjectionem michi et ecclesię michi commissę, et successoribus meis quam monachi circumquaque positi exibent, exibeant, et jura æcclesię nostre et æcclesiarum ei commissarum, absque meo consensu et capituli Beatę Marię et successorum nostrorum, invadere non presumant.
+ Signum Ivonis, episcopi. + Signum Ernaldi, decani2. + Signum Ilduini, cantoris. + Signum Gauslini, subdecani.
Data in capitulo Beatę Marię, . »