« In nomine sancte et individue Trinitatis, ego Ivo, Carnotensis ecclesie humilis minister, et Arnaudus decanus, necnon commune capitulum Beate Marie, notum volumus fieri omnibus tam futuris quam presentibus quod donnus Bernardus1, venerabilis abbas, cum grege sibi commisso, parvitatem nostram humiliter adierunt, petentes ut eis concederemus carrucatam unam terre de terra Beate Marie, que est super rivulum qui dicitur Tiro, infra Gardiensem parrochiam, ad edificandum monasterium et claustrum et cetera usui fratrum necessaria. Quorum petitio quia digna impetracione et multis profutura et nostre honestati et eorum utilitati convenire visa est, dono eis predictam terram, quietam et immunem a synodo et circada, ab omni etiam consuetudine, ab omni exactione, perpetualiter habendam concessimus, salva obedientia que episcopo et capitulo debetur. Ut autem per succedentia tempora firmiter et stabile hoc donum maneat, presenti scripto mandavimus et signis manibus nostris factis roboravimus. + Signum Ivonis, Carnotensis episcopi. + Signum Arnaudi, decani. + Signum Gerogii, cantoris. — Signum Hugonis, subdecani. + Signum Garini, subcentoris. + Signum Ansgerii, archidiaconi. + Signum Galterii, archidiaconi2. + Signum Goslini, archidiaconi. + Signum Raimbaudi, archidiaconi. + Signum Landrici, archidiaconi. + Signum Odonis, archidiaconi. + Signum Gaufredi, prepositi. + Signum Haimerici, prepositi. + Signum Seranni, prepositi. + Signum Hugonis, prepositi3. + Signum Ebraldi, capicerii4. + Signum Radulfi, camerarii. + Signum Stephani, abbatis Sancti-Johannis. + Signum presbiterorum Haimonis, Hugonis, Ricardi, Galterii, Garini, Rainodi. + Signum Hugonis de Sancto-Andrea. Data Carnoti, per manum Vulgrini, cancellarii, tercio nonas februarii, anno ab incarnacione Domini millesimo centesimo tercio decimo, regnante Ludovico Philippi5. »