De venditione cujusdam partis pastuum villæ de Framboiseria.
- A Original en parchemin. Arch. dép. Eure-et-Loir, G 1047 (ancienne cote : fonds du Chapitre, carton XXXI, F, 1).
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Notum sit omnibus tam presentibus quam futuris quod ego Radulfus, cognomine Burdum, major de Framboseria, partem meam quam habebam in pastibus villę illius Guidoni Galeranni Britoni, nullo cogente, sed propria voluntate, vendidi1, sorore mea annuente et viro ejus et filio eorum et Guarino, cognomine Burdum, cognato meo. Hanc itaque vendicionem, ut rata et firma esset per tempora succedentia, in capitulo beatę semper virginis Marię, tenere juravi, et soror mea virque ejus et Guarinus, cognomine Burdum, cognatus meus, his coram positis : Ivone, decano ; Amalrico, precentore ; Gisleberto, subdecano ; Roberto de Moneta, succentore ; Gaufrido, preposito ; Raherio, preposito ; Ernaldo, archidiacono ; Roberto, cancellario ; Odone, presbitero ; Henrico, presbitero ; Gisleberto de Ver ; Willelmo de Juriaco, sacerdote ; Fulcherio, presbitero de Orerio ; Gisleberto, subdecani nepote, hanc venditionem et concessionem super altare beate Marie posui. »