Carta Rotrodi, comitis Perticensis, de uno cereo ante Sanctam-Capsam ardenti.
- B Vidimus original en parchemin de 1199. Arch. dép. Eure-et-Loir, G 484 (ancienne cote : fonds du Chapitre, carton IV, BB, 1).
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« R[otrodus], comes Pertici, omnibus ad quos litterę istę pervenerint, salutem in Domino. Noverit universitas vestra quod nos, intuitu pietatis et misericordię et reverentię quam venerabili matri nostrę Carnotensi ęcclesię tenemur exhibere, contulimus in honorem beatę Virginis et constituimus in eadem ęcclesia unum cereum aute capsam in qua reposita est beatissimę Virginis veneranda Camisia perpetuo ardentem, assignantes ad hoc decem libras carnotensis monetę in prepositura de Nogento, singulis annis, a preposito qui erit pro tempore, Carnoti, matriculariis Carnotensis ęcclesię persolvendas, centum videlicet solidos predictę ęcclesię et centum solidos 1. Ad peticionem igitur nostram, venerabilis pater et dominus Raginaldus, episcopus, et Capitulum Carnotense concesserunt et instituerunt quod si aliquis de heredibus vel successoribus nostris, quod absit, hanc nostram donationem impediret, tam personam ejus excommunicationi quam nostram subicerent interdicto, donec eisdem matriculariis esset integre satisfactum, qui in predicto luminari tenebuntur interim providere. »