« De compositione inter majorem de Fontanis et prepositum. »
- B Bibl. nat. de France, carton 28: Livre des Privilèges de l'église de Chartres, p. 116; et carton 28 bis, fol. 53 v°.
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Guillermus subdecanus, Symon de Berou1, Milo de Garneio, Rembaudus Craton, Robertus de Berou, canonici Carnotenses, omnibus ad quos littere iste pervenerint, in Domino salutem. Cum inter dilectum fratrem nostrum Hugonem, prepositum Amiliaci, et Guidonem, de Fontanis majorem, super quibusdam possessionibus quas idem G[uido], major, diu possederat controversia verteretur, videlicet super viridario de Fonte et super quodam agripenno qui dicitur agripennus de Fonte et super dimidio agripenno de Barba et tribus agripennis Spineto proximis et quodam agripenno de Buiseio, tandem, partibus in nostra presentia constitutis, controversia illa in hunc modum sopita est : Dictus siquidem G[uido], major, partem predicti viridarii que granice Beate-Marie contigua est et dictum agripennum de Fonte dixit ad jus suum feodaliter pertinere cum reliquo feodo quem tenet a Capitulo. Cetera vero supradicta omnia, absque reclamatione et contradictione aliqua, recognovit ad jus memorati prepositi specialiter pertinere. Actum anno gracie MºCCºIIº. Quod ut ratum, etc...... »