« Donatio domus et vivarii de Penchat per abbatem et conventum de Josaphat. »
- A Original en parchemin. Arch. dép. Eure-et-Loir, G 1792 (ancienne cote : fonds du Chapitre, carton LXXXV, N, 1).
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Gauterus, divina permissione, abbas, atque conventus Sancte-Marie de Josaphat Carnotensis, universis presentis scripti noticiam casu quolibet habituris, salutem in omnium Salvatore. Pro rei exigentia vobis duximus declarandum quod nos, concordi voluntate, dilecto nostro venerabili viro Radulfo de Bello-Videre, canonico Carnotensi, viverium de Penchat, cum pertinenciis suis universis, tam domorum quam aliarum quarumlibet rerum, quod nobis Nicolaus, quondam marescallus, contulerat, libere et absolute concessimus, plena proprietate ac dominio ejusdem loci perpetuo possidendum, ac, pro sue voluntatis arbitrio, tam in vita quam in morte, libere disponendum, ita quod exinde nobis nec censum nec aliud quidlibet solvere teneatur. Actum publice in capitulo nostro, anno Domini MCCIII, x kalendas januarii. »