« Girardus de Carnoto, miles, quitavit ecclesie unum modium annone et unum avene quos capiebat in domo episcopi. »
- A Original en parchemin. Arch. dép. Eure-et-Loir, G 123 (ancienne cote : fonds du Chapitre, carton XI, 14).
- B Bibl. nat. de France, carton 28 bis: Livre des Privilèges, fol. 79 v°.
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Ego Girardus de Carnoto, miles1, notum facio universis quod ego unum modium avene equivalentis Loenio et unum modium avene, quos in granariis episcopi Carnotensis, annuatim, , jure percipiebam hereditario, quos etiam idem episcopus sumptu proprio, ubi vellem, intra Carnoti muros, deportari facere tenebatur, Roberto de Bero, Carnotensi canonico, xxxª libris carnotensis monete vendidi, sub hac forma : quod predictus Robertus de Bero eundem redditum cuicumque placuerit vendere poterit, vel in elemosinam conferre perpetuam, vel modis quibuslibet obligare. Ego preterea Robertum de Carnoto, militem, ad cujus feodum dictus pertinebat redditus2, instanter peciit ut venditionem istam manucaperet garantire, ita etiam quod, si a pretaxata venditionis forma recederem, vel aliquis alius dicte venditioni resisteret, vel aliquo modo turbaret eandem, ipse Robertus de Carnoto, miles, sine fidei transgressione, residuum feodi quod ab eodem teneo inde manu sua caperet, et prefatum redditum, cum dampnorum, si qua incidissent, restitutione, a predicto Roberto de Bero, vel ab alio ad quemcumque per ipsum idem redditus devenisset, pacifice faceret possideri. Venditionem autem istam concesserunt Enjossendis, mater mea, et Elisabel, uxor mea, eamque, fide interposita, garantire manucapientes, quicquid ratione dotalicii in predictis rebus habebant spontanee quitaverunt, concedentibus etiam venditionem istam fratribus meis Herberto, Philippo, et Jacobo, et sororibus meis Eremburgi et Ysabel, et filiis meis Judoino et Guillelmo. Ut autem venditio ista firma et stabilis perseveret, eam sigilli mei testimonio confirmavi. Actum 3. »