« Raginaldus, Dei gracia, Carnotensis episcopus, omnibus ad quos littere iste pervenerint, salutem in Domino. Noverint universi Capitulum Carnotense karissimo amico nostro Bartholomeo de Roia1, Francie camerario, pro beneficiis ab ipso ecclesie Carnotensi collatis, unam sollempnem missam de Sancto-Spiritu, quamdiu vixerit, concessisse, celebrandam pro dicto B[artholomeo] ad majus altare. Tandem vero, ipso B[artholomeo] sublato de medio, ipsius anniversarium sollempne annuatim celebrabunt, similiter ad altare majus, in perpetuum. Nos autem, pensata affectione quam habemus erga ipsum Bartholomeum, luminare sollempne eidem habendum in perpetuum concedimus annuatim. Actum anno Domini MºCCº tercio decimo, mense januario. »