«De quitatione consuetudinum in terra domini Montis-Fortis. »
- B Bibl. nat. de France, carton 28 bis: Livre des Privilèges de l'église de Chartres, fol. 81 v°.
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Symon Montis-Fortis1, Dei providentia, dux Narbone, comes Tholosensis et Leycestrensis, Biterrensis, Carcasonensis vicecomes, universis presentes litteras inspecturis, salutem in Domino. Universitati vestre notum facimus quod, cum orta esset contentio inter nos et ecclesiam Carnotensem, super consuetudine telonei seu pedagii quam, in terra nostra, de hominibus et hospitibus Capituli Carnotensis habere volebamus, de nutrituris suis et de rebus aliis quas propter usus suos emebant, vel vendebant, nos, pro anima nostra et animabus antecessorum nostrorum, predicte ecclesie Carnotensi dictam contentionem liberaliter dimisimus, et, si quid juris in ea consuetudine habebamus, omnino in perpetuum quitavimus, ut videlicet, sine reclamatione nostra et successorum nostrorum, homines et hospites Carnotensis ecclesie a predicte prestatione consuetudinis sint immunes. Quod ut ratum sit, presentem cartam sigilli nostri munimine duximus confirmandam. Actum apud Pontem-super-Yonam, . »