« De cereo Willelmi, episcopi Cathalaunensis. »
- B Copie sur papier. Arch. dép. Eure-et-Loir, G 692 (ancienne cote : fonds du Chapitre, carton V, J, 6).
- C Bibl. nat. de France, carton 28 bis: Livre des Privilèges, fol. 64 v°.
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Guillelmus1, Dei gracia, Catalaunensis episcopus et comes Perticensis, universis Christi fidelibus ad quos presentes littere pervenerint, in Domino salutem. Noverit universitas vestra quod nos, pro salute anime nostre et animarum patris et matris et aliorum antecessorum nostrorum, dedimus et concessimus unum cereum super altare beatissime virginis Marie Carnotensis, ante capsam in qua reposita est gloriosissime Virginis camisia, semper arsurum ; et ad hoc assignavimus redditum decem librarum monete carnotensis, a matriculariis ecclesie Carnotensis annuatim percipiendarum, videlicet centum solidos in prepositura de Molandon et centum solidos in prepositura de Longovillari, quorum medietas singulis annis persolvetur. Si vero prepositi vel aliquis eorum cessaverit a solutione prefati redditus in prelibatis terminis, is qui in mora fuerit ad solutionem quinque solidorum unaquaque septimana tenebitur pro emenda. Volumus etiam quod ille qui negligens fuerit in solvendo redditum memoratum excommunicetur usquedum predictis matriculariis super hoc fuerit satisfactum, non absolvendus nisi ad petitionem nostram, et propter hoc ad penam quinque solidorum predictorum nichilominus teneatur. Quod ut ratum permaneat et stabile, presentem paginam sigilli nostri impressione fecimus roborari. Actum 2. »