De immunitate claustri. — Quod licet Episcopo ponere scalas suas in claustro.
- B Bibl. nat. de France, carton 43: Livre noir, fol. xxix r°.
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Universis presentes litteras inspecturis, G[uillelmus]1, decanus, et universitas Capituli Carnotensis, salutem in Domino. Noveritis quod nos volumus et concedimus reverendo patri P[etro], Dei gracia, Carnotensi episcopo, et ejus successoribus, quod ipsi et eorum officiales, per se vel mandatum suum, possent ponere scalas suas extra portam suam in claustro, ad muros domus portarii sui, ad ecclesiam beati Nicholai et ad muros domus clausure sue, a revestiario nostro usque ad cuneum murorum clausure predicte, contigue posterne claustri, dum tamen non impediatur per hoc introitus ecclesie antedicte, et in dictis scalis ponere seu poni facere perjuros et alios prisionarios suos, per se vel mandatum suum, per claustrum ducere et reducere, libere et quiete, quocienscumque sibi viderint expedire. In cujus rei testimonium et munimen, presentes litteras dicto domino episcopo dedimus sigillo Capituli nostri sigillatas. Datum . »