De Hermeraio — de Gola.
- B Double queue de parchemin. Arch. dép. Eure-et-Loir, H 2332 (ancienne cote : n° 51 de la liasse).
- a Cartulaires de Saint-Thomas d'Epernon et de Notre-Dame de Maintenon, prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« H. archidiaconus Carnotensis omnibus presentes visuris litteras salutem in domino. Noverint universi quod cum causa verteretur coram nobis inter priorem Sparnonensem et Simonem clericum de Auviler super minutis decimis parrochie de Hermeraio, dictus Simon produxit pro se litteras domini Carnotensis de dono earumdem decimarum illarum scriptas sub hac forma ; R. dei gracia Carnotensis episcopus omnibus presentem paginam inspecturis in domino salutem. Ad universorum noticiam transferatur quod cum nemus quoddam quod nemus de Gole appellatur in terras arabiles cepisset educi, et in eodem edificium hominum edificari de novo, nos advertentes devotionem et fidele obsequium quod dilectus et fidelis noster Bartholomeus subdecanus Carnotensis nobis exhibuerat incessanter ; ad ipsius interventum ecclesie de Hermeraio cujus parrochie adjacet nemus illud, et quam Simon de Auvilari dicti subdecani socius obtinebat, decimas novalium dicti territorii de Gole cum loci illius parrochiali jure concessimus perpetuo obtinenda et possidenda ab eis qui in eadem ecclesia de Hermeraio deinceps ministrabunt. In cujus rei memoriam et perpetuam firmitatem presens scriptum fecimus sigilli nostri munimine roborari. Actum . »