« Ego Simon, comes Leicestrie, dominus Montisfortis, notum facio presentibus et futuris, quod lis que erat inter, S. militem de Reisels, ex una parte, et W. tune priorem Sancti Thome Sparnonensis et ejusdem loci monachos ex alia, super ductu aque eorumdem monachorum molendini de Seincort coram me sedata est in hoc modum. Quod préfatus prior et monachi pro bono pacis, prefato S. militi xxij, libras et dimidium dederint, S. autem miles voluntate et assensu uxoris sue et liberorum suorum, et omnium ex parte sua vel suorum in prefata aqua vel circa aliquid jure hereditario clamantium, perpetuo concessit priori et monachis prefate domus, quod ipsi a meta ad quam palata est aqua : que meta secus grangiam eorumdem de Hermereio, ad assensum et voluntatem utriusque partis in jamdicta aqua fixa dinoscitur, suam aquam per terram suam ad libitum suum ducerent, remota omni contradictione et lite. Nepotes et suos, qui tunc temporis nundum ad elatem venerant, concessionis faciende, prefatus S. miles promisit se facturum quam cito ad etatem venissent, hanc conventionem concedere et firmiter observare. Hujus conventionis firmiter observande plegii et guarandizatores fuerunt : Droco de Hanchis, miles, ad cujus feodum illud pertinebat : Hugo de Sancto Hilarione, miles ; et plures alii. Si autem ab hac conventione et pace prefatus S. miles vel aliquis successorum ejus aliquando quoquo modo resilire presumpserit, aut in aliquo prefatos monachos molestari vel gravare, ego S. comes Leicestrie et dominus Montisfortis et heredes mei super terram sepe dicti S. militis hujus conventionis tenorem inviolabiliter faceremus observari. Hoc igitur ut ratum maneat et inconcussum presentem paginam ad petitionem utriusque partis sigilli mei munimine feci roborari..... 1MºCCºIXº. »