« Ego Amaricus de Mestenon miles notum facio omnibus presentes litteras inspecturis quod cum inter me ex una parte, et priorem Sancti Thome de Sparnone et homines suos de Megornas ex altera, super quo Jam becio quod fleri faciebam ab stanno meo usque ad aquam que Eure nuncupatur, partem in terra mea et partem in terra eorum contentio verteretur ; tandem de bonorum virorum consilio sedata est in hunc modum : quod medietas jacture becii in terra hominum mittetur, altera vero medietas in terra mea jacietur. Predicti vero homines super jacturam becii quod in terra sua est facient quidquid voluerint, ego vero et heredes mei propter jacturam becii in terra hominum viam nec jura alia de cetero non reclamabimus ullo modo. Preterea, si contigerit ut curetur becium ; tali modo et tali tempore curabitur quod dicti homines per curationem dampnum aliquid non incurrent. Adjectum est etiam et concessum quod si fortasse remanserit becium, sepedicti homines in quantum terra sua continent medietatem becii in perpetuum possidebunt. Et ut firmum et stabile perseveret presentes litteras sigilli mei munimine feci roborari. Actum anno domini MºCCºXXºIIIº. »