« Hemericus de Gais, XII denarios censuales. »
- B Arch. dép. Eure-et-Loir, H 2325 (ancienne cote : n° 21 de la liasse).
- a Cartulaires de Saint-Thomas d'Epernon et de Notre-Dame de Maintenon, prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« Ego Hemericus de Gais, miles, notum facio universis presentes litteras inspecturis quod ego et Amelina, uxos mea, spontanea et de assensu et mandato meo, assensu et voluntate Raginaldi, filii nostri primogeniti, et aliorum liberorum nostrorum, pro remedio et salute animarum nostrarum et antecessorum nostrorum, dedimus et concessimus in puram et perpetuam elemosinam, prioratui Sancti Thome de Sparnone ac priori et monachis ejusdem prioratus, duodecim denarios censuales quos percipiebamus et habebamus singulis annis, super quandam peciam terre sitam in burgo Sancti Thome, inter granchiam Eustachii dicti Privé et inter domum Simonis dicti Pillart ; quam videlicet peciam terre Gaufridus, dictus Mallevaut et Johannes, dictus Malevie fratres tenent, nichil nobis vel heredibus aut successoribus nostris in dictis duodecim denariis censualibus vel in pecia terre superquam percipiebamus dictum redditum sive censum penitus retinentes. In cujus rei testimonium et munimen, ego Hemericus de Gaiis ad petitionem et assensum dicte Ameline, uxoris mee ac Raginaldi filii nostri primogeniti ac aliorum liberorum nostrorum predictum, donacionem sive elemosinacionem sigilli mei munimine confirmavi. Datum et actum 1. »