« A touz ceus qui ces présentes lectres verront et oront Hue Moisy garde de la prévosté de Nogent Lerembert salut en nostre Seingneur. Sachent tuit que par devant nous vint mon seingneur Guy de Saudreville, chevalier, et recongnt par devant nous qu'il tenoit à cens du prieur d'Espernon trais taises de terre de lé et de lonc si comme le hébergement dudit mon seur Guy se comporte duques à la terre à labé de Saint Cherons séans à Ourmoy à trais deniers de cens chacun an donnée à autre paiez le jour de la feste Saint Remi et ceste congnoissance fist le deuant dit mon seingneur Gui par deuant nous et veut que le deuant dit prieur eust lectre de connoissance sceslée du scel de la chatellerie de Nogent, En tesmoing de ce nous auons sceslées ces lectres du scel de la chatellerie dessus dite. Ce fut fet lan de grace mil CC. quatre vingz et sept mécredi devant la feste nostre dame ou mais d'aoust. »