« A touz ceuls qui.... Pasquier Le Fèvre prévost d'Espernon..... en la présence Symon Paris, clerc juré et tabellion de la chastellerie du dit lieu..... vindrent et furent présens..... Gilette, jadis fame feu Guillaume Geuffreyn, et Samcot Geuffreyn, son fils, recognurent et confessèrent ja pièça avoir vendu et en nom de pure vente perpétuelment avoir octroyé, quicté... à Jacques Boyleau clerc..... une grange, avecques une place séant devant icelle grange... que ils disoient avoir à Ramboillet, moitié movent de l'acquièrement de la dicte Gilette pièça fait en la compaingnie dudit feu Guillaume, et l'autre moitié du propre héritage dudit Samcot, tenant d'une part à la meson et court dudit Samcot et d'autre part à la terre Hémart Le >Molier, et la dite place tenant au chemin, tenue du seigneur de Ramboillet à trois soulz tournois de cens, annuelment paié à la feste Saint Remi ; auquel dit cens ledit acheteur fist réservacion... pour le pris et somme de quarante livres tournois de laquelle dite somme d'argent les diz vendeurs.... etc. , etc. En tesmoing de laquelle choze, nous à la relacion du dit clerc juré avons mis le scel de la dite chastellerie en cestes présentes lettres. Donné et fait en l'an de grace mil trois cens quarante et cincq, le dimenche avant la feste Saint Luc évangéliste. »