Garantie donnée par la ville de Compiègne du bail à ferme des revenus que l'abbaye possédait sur le territoire de Compiègne.

  • B Arch. nat., LL 1030, nº 37.
  • a Recueil des chartes de l'abbaye royale de Montmartre, éd. Édouard de Barthélémy, Paris, 1883.
D'après a.

Noverint universi presentes et futuri, quod major et jurati et tota communitas Compendii testimonium peribent veritati, quod G. Dei miseratione Montis-martyrum humilis ministra totusque ejusdem loci conventus concesserunt et donaverunt censum et redditus totius terre sue de Compendio et omnes ejusdem terre exitus Matheo filio Grimardi ad firmam quandiu vixerit habendos et possidendos pro quatuor libris quinque solidis minutis parisiensibus, singulis annis in octabis beati Dyonisii ecclesie sue persolvendis apud Compendium, et si dictus Matheus predictam pecuniam die determinato predicte ecclesie reddere noluerit aut non potuerit, major et jurati et tota communitas Compendii reddere tenentur predictam pecuniam dicte ecclesie apud Compendium, et duos solidos de pena singulis diebus, donec ex integro predicta persolvatur pecunia. Ne autem super hoc aliqua questio possit suboriri imposterum, ipsi major et jurati et tota communitas Compendii presentem cartam sigilli sui munimine confirmaverunt. Actum . — Valete.