Vente à l'abbaye d'une maison sise rue de Champeaux.

  • B Arch. nat., LL 1030, nº 51.
  • a Recueil des chartes de l'abbaye royale de Montmartre, éd. Édouard de Barthélémy, Paris, 1883.
D'après a.

Universis presentes litteras inspecturis, Officialis curie parisiensis, in Domino salutem. Notum facimus quod in nostra presentia constituti, Guillelmus presbiter Montisfortis, Philippus vitrearius, fratres, et Agnes ejusdem Philippi uxor, recognoverunt se vendidisse abbatisse et conventui Montis-martyrum unam domum quam dicebant se habere in vico de Campellis1 in Ferrivinaria contiguam domui Richardi de malo respectu, in censiva domini regis, ad decem et octo denarios capitalis census et decem solidos incrementi census, pro sexaginta et duabus libris parisiensium jam solutis in pecunia numerata, prout confessi sunt coram nobis. Promiserunt nichilominus dicti Guillelmus, Philippus et Agnes, fide in manu nostra prestita corporali, quod contra venditionem predictam per se vel per alium non venient in futurum, et quod eamdem venditionem memoratis abbatisse et conventui ad usus et consuetudines Parisius garantizabunt contra omnes. Dicta vero Agnes spontanea non coacta omne jus quod habebat vel habere poterat in dicta domo, ratione dotalicii vel alio modo, sub ejusdem fidei religione, memoratis abbatisse et conventui expresse quitavit. Promiserunt nichilominus dicti Guillelmus, Philippus et Agnes, sub prestite fidei religione, se reddituros quilibet in solidum memoratis abbatisse et conventui centum solidos parisiensium nomine pene, si contingeret quod dicta domus evinceretur vel ab aliquo retineretur. Ad hoc Richardus de malo-respectu, Maria ejus uxor, Jacobus et Philippus fratres, liberi dictorum Richardi et Marie, et Odo de malo-respectu, in nostra presentia constituti, voluerunt, laudaverunt pariter et concesserunt venditionem predictam, et promiserunt fide media quod contra eandem venditionem per se vel per alios non venient in futurum, et de dicta garandia ferenda ad usus et consuetudines Parisius, et de dicta pena reddenda, si committeretur, se plegios constituerunt quilibet in solidum et per fidem. Quod ut ratum et firmum permaneat, presentes litteras ad peticionem dictarum partium sigillo curie parisiensis duximus roborandas. Actum .