Lettres pour les biens des chapelains de ceste église et des hommes de corps qui sont mesel.
Raoul de Castres Archidiacre de Rivière, concède à l'église de Morienval le montant des biens de lépreux pour les hommes de corps, dont l'héritage revient aux chapelains.
- B Bibl. nat. de France, lat. 9987, fol. 78, n°65.
- a Cartulaire de l'abbaye de Morienval, éd. Achille Peigné-Delacourt, Senlis, 1876.
Universis presentes litteras inspecturis Radulphus de Castro archidiaconus in Ripparia1 Suessionensi, salutem in Domino. Noverint universi quod cum peteremus bona mobilia decedentium leprosorum, hominum de corpore Morgnevallis Ecclesie et etiam fructus Cappellarum curam animarum non habentium ad jus patronatus dicte Ecclesie pertinentium in nostro archidiaconatu sitarum, donec persone in eisdem Capellis institute ad ordines sacerdotii essent promote et dicta bona et fructus auctoritate propria saisiremus eo quod dicebamus premissa ad nos de jure pertinere debere. Preterea cum abbatissa et conventus dicte Ecclesie Morgnevallis peterent foris maritagia2 et mortuas manus3 a clericis uxoratis et ancillis dicte Ecclesie procreatis et nos inhiberemus eisdem ne dicte abbatissa et conventus premissa ab eisdem clericis venditarent, nos, super predictis deliberatione habita, competenti utentes consilio saniori, omnia predicta et singula quamdiu vixerimus prenominate Ecclesie quittamus pacifice, possidenda promittentes bona fide nos contra premissa omnia et singula imposterum non venturos. Promisimus etiam bona fide quod de cetero dictam Ecclesiam supra omnibus premissis et singulis non inquietabimus ullo modo et de hiis tenendis et fideliter adimplendis presentes litteras predictis abbatisse et conventui concessimus, sigilli nostri munimine roboratas et hec universis tenore intimamus.
Datum anno domini millesimo ducentesimo quinquagesimo tertio, mense januario.