Lettres de l'achat d'un mui de blé que messire Pierre Bonnars avoit chacun an à Bettencourt.

Omnibus presentes litteras inspecturis Milo, miseratione divina Suessionensis Ecclesie minister humilis, salutem in Domino. Notum facimus universis quod coram nobis in jure propter hoc personaliter constitutus dominus Petrus dictus Bonnars de Morgneval presbiter curatus de Rosello nostre diocesis vendidit imperpetuum et concessit ac quitavit et recognovit se vendidisse et concessisse ac etiam quitavisse bone et legitime religiosis mulieribus abbatisse et conventui monasterii beate Marie Morgnevallis ejusdem nostre diocesis unum modium bladi ad mensuram Morgnevallis annui et perpetui redditus et hereditate ipsius presbiteri, quem modium bladi dictus presbiter venditor ejusdem percipiebat et habebat annuatim jure hereditario in grangiis dictarum abbatisse et conventus, ratione cujusdam serganterie feodate quam dictus presbiter a predictis abbatissa et conventu jure hereditario possidebat quam etiam serganteriam cum dicto modio bladi annui redditus debitu ratione dicte serganterie dicto presbitero annuatim. Idem presbiter per eadem predictam venditionem cessit et quittavit dictis religiosis imperpetuum coram nobis cum omni jure domanio, proprietate, possessione et actione qualicumque quas et que idem presbiter qualibet ratione habebat et habere poterat ac debebat in dictis serganteria et modio bladi ejusdem pro pretio undecim librarum parisiensium de quibus idem P. presbiter recognovit coram nobis sibi esse a dictis religiosis plenarie satisfactum in pecunia numerata in rem et utilitatem ipsius presbiter conversa. Cedens et concedens predictus presbiter prefatis abbatisse et conventui omne jus domanium proprietatem possessionem et quamlibet actionem que et quas idem presbiter habebat quoquo modo in serganteria et modio bladi predictis mediante pretio supra dicto. Et promittens idem presbiter fide et juramento in verbo Domini coram nobis prestitis ab eodem quod contra dictas venditionem, quittationem, cessionem ac satisfactionem non veniet per se vel per alios ullo modo et quod nec artem queret nec ingenium per quam vel per quod predicte abbatissa et conventus supra premissis vel aliquo premissorum possint aut debeant imposterum molestari vel aggravari seu in causam trahi coram aliqua justitia ecclesiastica vel seculari.

Immo sub dictis fide et juramento promisit idem presbiter coram nobis quod ipse suis sumptibus de premissis sic venditis et de quolibet premissorum legitimam ad usus patrie et consuetudines predictis religiosis et earum in hiis locum tenentibus portabit garandiam contra omnes de hiis superius expressis in toto vel in parte juri et placito parere nolentes, itaque si per defectum dicte garandie vel per contrarium factum dicti presbiteri obviantis aliquibus conventionibus supra dictis contingeret deinceps dictas religiosas per se vel per earum mandatum incurrere aliqua dampna vel facere aliqua custamenta, idem presbiter omnia dicta dampna et custamenta predictis religiosis vel earum mandato reddere teneretur et etiam eis vel earum procuratori supra hiis dampnis et custamenti credere solo simplici juramento absque alia probatione et ad omnia premissa irrevocabiliter tenenda et adimplenda idem presbiter coram nobis obligavit omnes heredes ac successores suos presentes et futuros ac etiam omnia bona sua mobilia et immobilia presentia et futura, supponens se, quantum ad premissa, nostre jurisdictioni ubicumque contingat, ipsum de cetero se transferre ac renuntians in hiis omnibus coram nobis sub juramento et fide predictis penitus et expresse exceptioni non numerate pecunie predicte, non sibi tradite, non solute nec in ejus utilitatem converse, exceptioni illi qua subvenitur deceptis ultra dimidiam justi pretii vel juste estimationis, privilegia fori beneficia et omnibus aliis exceptionibus deceptionibus et rationibus tam facti quam juris canonici et civilis que sibi vel suis heredibus aut successoribus possent et deberent deinceps competere et prodesse et dictis religiosis vel earum mandato obesse in aliquo vel nocere ad elidendum seu revocandum aliqua de premissis. In quorum omnium testimonium et munimen presentibus litteris de voluntate dicti presbiteri ac dictarum religiosarum confectis supra premissis sigillum nostrum duximus apponendum. Datum et actum pluribus presentibus et ad hec in testimonium evocatis anno Domini millesimo ducentesimo septuagesimo tertio, mense januario.