Charles, fils de Roy de France, comte de Valois, d'Alençon de Chartres et d'Anjou, à tous ceulx qui ces présentes lettres verront et orront. Salut. Sachent tuit que nous voulons et nous plaist que M. Girous de Pisseleu puisse transporter ou donner à Eglise, à Maison-Dieu ou à Maladrerie une maison que il a à Pisseleu avec tout le pourpris si comme il se comporte. Jouxte la maison et le manoir feu Robert Testard d'une part, et jouxte le chemin de la Ferté-Milon d'autre part. En telle manière que nous et nos hoirs et nos successeurs les puissions contraindre de mettre hors de leurs mains la dite maison et tout le pourpris dessus dit. Saulf à nous à nos hoirs, à nos successeurs le ressort, l'obéissance et notre droict, et saulf le droict d'aultruy. En tesmoing de laquelle chose, nous avons donné ces presentes lettres seelées de nostre seel. Qui furent faictes à Saint-Germain en-Laye le sabmedy après l'Annonciation Nostre-Dame, L'an de grâce M. CC quatre-vingt et dix-huit.