Alexandre III obtient de Gilles, chevalier de Loury, renonciation aux droits héréditaires qu'il prétendait avoir sur les églises de Loury et de Rebréchien.
- B Bibl. nat. de France, Baluze 78, p. 27.
- a Lœwenfeld. Epistolæ Pontificum Romanorum, p. 136.
- b Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
Alexander episcopus, servus servorum Dei, venerabili fratri episcopo et dilectis filiis universo capitulo ecclesiæ Sanctæ Crucis Aurelianensis salutem et apostolicam benedictionem. Quociens aliqua digna memoria ad Apostolicæ Sedis præsentiam perferuntur, justum est et rationi conveniens quod ea literarum fidei commendentur, ut habeat secutura posteritas quid de gestarum rerum teneat veritate. Inde est quod universitati vestræ præsentium significatione volumus innotescat quod dilectis filiis nostris Herberto, ecclesiæ vestræ archidiacono, Guarino archipresbytero, et Gilone milite de Loriaco, in nostra præsentia constitutis, post multam commonitionem nostram idem Gilo, de Arebrachio et de Loriaco ecclesias, quas ex prava et antiqua illa consuetudine jure hereditario possidebat, libere et absolute in nostris manibus refutavit, et universo juri, quod in eis se habere dicebat, penitus abrenuncians, ipsas tactis coram nobis sacrosanctis evangeliis abjuravit, et liberas in posterum ecclesiæ vestræ reliquit. Datum Senonis .