Philippe-Auguste, après enquête, confirme au chapitre le droit de tailler les serfs de ses terres d'Etampois : pour le service du roi, pour la défense de leurs biens et des terres du chapitre, quand ils font un achat et pour le Pape.
- B Bib. nat. de France, Moreau 114: 43. Extrait du cartulaire de Sainte-Croix, fol. 203 rº.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
In nomine sancte et individue Trinitatis. Amen. Philippus, Dei gracia Francorum rex. Noverint universi presentes pariter et futuri quod cum homines de terra Sancte Crucis Aurelianensis de Stampasio (sic) a capitulo ejusdem ecclesie talliati ad nos querimoniam deportassent quod canonici non possent eos talliare, nisi nos ab eisdem canonicis exigamus sacramentum, super hoc inquisitionem fieri fecimus, et per juramenta legitimorum hominum tam militum quam servientium nobis plene constitit quod capitulum predictum homines de terra sua predicta potest talliare pro servicio nostro, et pro expensis quas faciunt pro deffensione honorum suorum et terre ejusdem ecclesie, et quando faciunt emptionem, et pro domino papa. Quia vero per juramenta legitimorum hominum super hoc plenius veritatem cognovimus, volumus et concedimus ut predicto capitulo homines de terra sua prefata liceat supradictis de causis sine contradictione aliqua talliare. Et ut perpetue stabilitatis robur obtineat, sigilli nostri aucthoritate et regii nominis caractere inferius annotato presentem paginam salvo servicio nostro confirmamus. Actum Parisius Astantibus in palatio nostro quorum nomina supposita sunt et signa. Dapifero nullo. S. Guidonis buticularii. S. Bartholomei camerarii. S. Droconis constabularii. Data vacante cancellaria.