Henri, doyen de St-Pierre-le-Puellier, exécuteur testamentaire d'Hugues le Cop, chevalier, vend à Régnaud, archidiacre de Sologne, au prix de 25 livres parisis, toute la dîme grosse et menue que ledit chevalier tenait d'Hervé Sanzavoir à Josnes au lieu dit Izy.
- A Original sur parchemin. Arch. dép. Loiret, G.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
Omnibus presentes litteras inspecturis, officialis Aurelianensis salutem in Domino. Noverint universi quod in nostra presentia constitutus Henricus, decanus Sancti Petri Puellarum Aurelianensis, exequtor testamenti Hugonis Le Cop, militis, totam decimam tam grossam quam minutam quam idem defunctus tenebat dum vivebat ab Herveo dicto Sanzavoir, sitam in parochia de Jaunna apud locum qui Iriacum vulgariter nuncupatur, in qua decima percipit presbiter de Jaunna duodecim minas, videlicet ses avene et sex mixteoli annuatim, vendidit et quitavit viro venerabili Raginaldo, archidiacono Sigalonie, nomine et ad opus ecclesie Aurelianensis, precio viginti quinque librarum parisiensium de quibus dictus decanus coram nobis se tenuit integre pro pagato, fide data promittens se dictam venditionem garantiturum ad usus et consuetudines Aurelianenses dicto archidiacono et ecclesie Aurelianensi. Hanc autem venditionem voluerunt Auda, mater dicti defuncti Hugonis, et Gricia, relicta ejusdem Hugonis. Johannes et Helisendes, dicte relicte filii, concesserunt fide media promittentes quod in dicta decima ratione dotalicii vel alia quacumque de causa nichil decetero reclamabunt. Preterea dictus Herveus, de cujus feodo dicta decima primo loco movere dicitur, et Reginaldus Sanzavoir, miles, de cujus feodo secundo loco movet ut dicitur dicta decima, laudaverunt et approbaverunt venditionem antedictam et suum feodum amortificaverunt, promittentes, etc... In cujus rei memoriam et testimonium presentes litteras ad petitionem partium sigilli nostri munimine fecimus roborari. .