Ratificalion par l'évêque Ferry de Lorraine de l'amortissement de 40 sous de rente à la chèvecerie, donnés par Raymond de Laon, chèvecier. (Vidimus de l'official d'Orléans, 7 juillet 1300).
- A Original sur parchemin. Arch. dép. Loiret, G 441.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
Universis presentes litteras inspecturis officialis curie Aurelianensis salutem in Domino. Noveritis nos , litteras infrascriptas vidisse, legisse et de verbo ad verbum inspexisse, non cancellatas, non abolitas, nec in aliqua parte sui viciatas, formam que sequitur continentes :
Ferricus, Dei miseratione Aurelianensis episcopus, omnibus presentibus et futuris salutem in Domino. Ad universorum noticiam volumus pervenire nos , litteras infrascriptas vidisse et diligenter inspexisse et de verbo ad verbum legisse et considerasse, non cancellatas nec in aliqua parte sui viciatas, formam que sequitur continentes :
Universis presentes litteras inspecturis officialis curie Aurelianensis, etc... 1
Et nos Ferricus predictus omnia supradicta, in supradictis litteris contenta, ex certa sciencia laudamus, approbamus ac eciam confirmamus et ex superhabundanti, si aliquid deest, ad suplendum quantum possumus supplemus et amortizamus et supradicta amortizata volumus in perpetuum capiceriatui et capicerio qui tempore fuerit remanere. In cujus rei testimonium sigillum nostrum presentibus duximus apponendum anno et mense primo dictis.
Quod autem vidimus testamur et ad majoris (sic) rei evidenciam presentibus litteris sigillum curie Aurelianensis duximus apponendum. Datum ut supra anno et die predictis.
De Thou.