Venite, filii Dei, merito ab Apostolo vocati filii Lucis et Diei ; audite et memoriter retinete que donantur vestræ matri, sancte scilicet Aecclesiæ sponse Xristi, ut hi qui in ea deserviunt, per vos defensi, nullis adversitatibus affecti, a colloquiis divinis nullomodo valeant revocari. Notum igitur sit futuris, vobisque presentibus, quod Walterius de Stampis165 et uxor ejus Adela dederunt æcclesiæ Sti Martini de Campis medietatem decime Ursionisville173, quam in maritatu dederat huic Adele pater suus, Hugo nomine ; unde septem libras habuerunt de bonis æcclesiæ. Quod concessit frater ejus, Wido a baptismate, Paganus publico apellatus nomine178, unde xl solidos accipiens, donum fecit cum sororio suo et sorore, super sanctum Beati Martini altare, sicque cum eis intravit in Seniorum beneficiis et societate.

Hoc etiam concesserunt filii eorum, Walterii scilicet et Adele, Petrus et Ansellus166, presente Haiberto ; monacho ; testibus autem : Engelberto ejus famulo, Milone monacho de Stampis168 et frater ejus Urso. De dono autem facto super altare a predicto Walterio et conjuge et Pagano, testes sunt : Balduinus, Helgodus servus æcclesiæ, Warinus frater majoris36, Georgius sacrista, Poncius de Nuisiaco, Rodulfus, Ingelbertus famulus domni Haiberti.

Visum itaque fuit utile, pro scandalorum spinis que oriri solent, huic cartule inserere, quod hoc donum, de quo superius tractatum est, concessit Elisabet conjunx Burchardi de Maceiaco, cui hæc decima conpetebat jure hereditario ; quod et concessit Burchardus vir ejus291, inde accipiens Carnotensium viginti solidos.

Igitur, quia sic cepimus denotare, descendamus ad hos qui, nisi concessissent, calumpniam possent inferre, Widonem scilicet filium Serlonis, qui supradictam decimam ab Helisabet et viro suo tenebat ; qualiter in capitulo Sti Martini, coram Deo et omni conventu monachorum, et plurimorum, qui illuc advenerant, legalium testium concessit, et filius ejus, Paganus appellatus, unde xl solidos et duos renones agninos habuita ; unum filio suo dedit, alterum ipse sibi vestivit Nec pretereundum est quod hoc concessit Hisnardus ejus, miles satis honestus. Testes autem hujus concessionis Widonis et filii ejus si vultis audire, jam denotatos videre potestis in subsequeriti narratione : Wido comes de Rupeforti ; Wido de Vitriaco35, Symon de Nigelfa, Walterius de Cersellis104, Warinus frater majoris36, Georgius sacrista ; Petrus, Gilduinus, Henricus, Bernardus, De hac medietate æcclesiæ Ursionisville, quod superius tractavimus sufficiat caritati vestræ, et si qua ruditate sermonis plenius non sunt dicta, vos qui spirituales estis et sapientiores, videte ne, per invidorum astucias, que sibi donantur perdat æcclesia.

Transeamus ergo ad aliam hujus Ursionisville medietatem decime, et prout Deus dederit, qualiter æcclesiæ Sti Martini data fuit, filiorum Dei tradamus noticie. Notum igitur fieri volumus Xristi fidelibus quod Fulcherius de Budelone174 et Emmelina uxor ejus que in maritatu eum habebat, dederunt æcclesiæ Sti Martini aliam partem decime Ursionisville, septemque libras utrique habuerunt pro munere. Hoc concessit Rotbertus filius Waszonis, et pro concessione x solidos habuit ; et Gaufredus frater ejus, unde modium frumenti et x solidos habuit ; et Seguinus frater ejus, indeque xv solidos de bono æcclesiæ accepit. Hi tres fratres sunt supradicte mulieris. Pro talibus igitur datoribus et datis, æcclesiam Ursionisville possidet æcclesia Sti Martini de Campis.

Est et aliud quod volo notum esse filiis matris Æcclesiæ, quod Rainaldus Chanardus41 dedit æcclesiæ Sti Martini de Campis quicquid habebat in supradicta villa que Ursionisvilla nuncupatur. Cujus rei testes sunt : Wido comes de Rupeforti74, Wido de Vitriaco, Simon de Nigelfa, Wido filius Serlonis, Walterius de Cersellis, Warinus frater majoris, Georgius sacrista, Gilduinus, Heinricus, Bernardus.