In nomine sancte et individue Trinitatis. Plerumque contingere solet ut ea que ecclesiis Dei a fidelibus dantur, aut vetustate temporum oblivioni tradantur, aut ab injustis calumpniatoribus auferantur, nisi cartulis vel ereis aut petrinis tabulis ad memoriam futurorum inserta conseribantur. Quod malum vitare cupiensa ego Stephanus Dei gratiab Parisiorum episcopus, noticie futurorum fìdelium per hanc kartam commendo conventionem, scilicetc factam inter domnumd Matheum, priorem Sancti Martini de Campis, et domnum Burchardum de Montemorentiaco, videlicet de possessionibus quondame Sancto Martino datis, que, diu multumque ventilata, tandem utrorumque communi consensu, hoc finef, me laudante et concedente, terminata est.

Sciant igitur fìdeles Dei, presentes et futuri, quod domnus Burchardus de Montemorentiaco ea que de feodo suo Sancto Martino de Campis et monachis ibidem Deo servientibus ab hominibus suis primitus data fuerant, perpetuo habenda concessit, et de propria hereditate quedam alia eidem in elemosinam tradidit. Et, ut que dicimus enucleatius intelligantur, ipsa possessionum nomina hic suscribere dignum judicavimus : ecclesiam Sancte Oportune de Monciaco133 cum decima et atrio, servis et ancillis, et cum omnibus appendiciis suis, et omnem terram domni Cleophe de Sancto Marcello366 ; omnemque viariam de Thurg et de Mestigerio282 et omnem consuetudinem ; ecclesiam etiam de Monte martirum et tantum atrii ubi fierent officine fratrum, decime terciam partem et terciam partem hospitum, terramque ad medietatem carruce ad possidendum. Hec dedit Walteriush cognomento Paganus177, et uxor ejus Hodierna cognomento Comitissa ; postea Adam dei Vinezol397, addiderunt tantum decime ut Sanctus Martinus tocius decime medietatem habeat. Concessit etiam ecclesiam de Dolmonte212 et omne donum quod dederat Sancto Martino Radulfus Bellus305 et Lisuia conjunx ejus, tempore predicti priorisk, et medietatem decime fabarum Sancti Briccii398 quam dederat, tempore domni Mathei prioris. Concessit et altare de Ermonovilla298, ecclesiam quoque de Escuen365 et totam decimam. Dedit etiam domnus Burchardus Sancto Martino omnibus annis xl^ta solidos de transverso suo inter Sanctum Dionisium et Pontisaram, ad festivitatem sancti Martini mense novembris. Post obitum autem domne Agnetis, matris sue, dedit Sancto Martino, pro anima ejus, xl^ta solidos de censu suo apud Sanctuml Dionisium in burco Sancti Marcelli. Domnus vero Matheus concessit ipsi Burchardo Dugniacum108, faciendi inde quicquid vellet dans ei liberam potestatemm. Tum vero idem Burchardus predictis xl^ta solidis xx solidos superaddidit, concedens ut ecclesia Sancti Martini de Campis singulis annis imperpetuum habeat lx^ta solidos de censu prefato quem habet in burco Sancti Marcelli, concedente uxore sua cum omnibus liberisn suis.

Notum etiam fieri volo quod ego idem Stephanus, Dei gratia Parisiorum episcopuso, eidem monasterio Sancti Martini de Campis concesserim ecclesiam de Oreio398 in cujus parrochia241 Monsgaiusp est, perpetuoq habendam cum altarer et omnibus que ad eam pertinent, salvo in omnibus jure Parisiensis episcopi, laudantibus et concedentibus hiis qui eam diu injuste tenuerant, Gisleberto de Monfermolio382, cum uxore sua [Comitissa] et liberis suis, matre etiam Comitisse ejusdem Ermengarde, necnon et patre ejus Antelmo, audientibus his testibus : Burchardo milite Antelmi, Aszone majore, Alberico de Monfermoilo382, Drogone de Oseriis398, Balduino de Villaflo280, Drogone, Fulberto et Otranno, famulo Sancti Martini de Campiss.

Preterea sciendum est quod, concessione antecessorum nostrorum et nostra, idem monasterium habet in capella Sancti Jacobi Parisiensis362, cum presentatione presbyteri, medietatem bonorum omnium que pro presbiterio ejusdem ecclesie ad ipsum presbiterum vel ejus utilitatem aliquo modo perveniunt scilicet in oblationibus, in baptisteriis, in confessionibus, in sepulturis, in legatis, et si qui sunt alii modi beneficii ad presbiterium pertinentis, in Purificatione sancte Marie et in festivitate sancti Jacobi, omnes sunt monachorumt.

Verum ut hec omnia que supradicta sunt rata et firma in sempiternum permaneant, presentem kartam nostri auctoritate sigilli firmatamu fieri disposuimus, signisque canonicorum nostrorum corroborari precepimus.

Actum Parisius publice, in capitulo Beate Mariev anno Incarnati Verbi Mº Cº XXº IIIIº, regnante Ludovico rege anno xviº, Stephanoa episcopo anno i.

Signum Stephani episcopi, S. Bernerii decani. S. Ade precentoris. S. Stephani archidiaconi. S. Theobaldi archidicaoni. S. Theobaldi archidiaconi. S. Landonis sacerdotis. S. Teoderici sacerdotis. S. Odonis sacerdotis. S. Ivonis diaconi. S. Demberti diaconi. S. Guillelmi diaconi. S. Gosleni subdiaconi. S. Guillelmi subdiaconi. S. Petri subdiaconi. S. Manasse pueri. S. Urbani pueri. S. Teobaldi pueri.

Si quis contra hanc dispositionem agere presumpserit, anathema sit.

Data per manum Algrini cancellarii.397