Willelmus, Dei gratia, Senonensis archiepiscopus et Apostolice Sedis legatus433, dilectis filiis Angulfo priori et fratribus in ecclesia de Cona 216 Deo servientibus, in Domino salutem. Gratus Deo famulatus numquam impenditur, nisi ex caritatis radice procedat. Omnes igitur Xristiane fidei amatores et precipue religiososa, ex commisso nobis officio tenemur diligere, et loca venerabilia cum ipsis personis divino servitio mancipatis, attentius confovere, ut nullis pravorum hominum inquietantur molestiis, vel importunis angariis fatigentur. Quamobrem, dilecti in Xristo filii, sanctorum bonorum sequentes exemplar virorum, rationabilibus postulalionibus vestris benignum prebentes assensum, ecclesiam de Caona in qua, divina suffragante clementia, obsequium divinum sollempniter celebratur, cum omnibus ad ipsam pertinentibus, sub nostra suscipimus protectione et presentis scripti privilegio communimus : statuentes ut possessiones universe et quecumque bona juste et canonice possidetis, aut in futurum, concessione pontificum, largitione regum vel principum, oblatione fidelium, seu aliis justis modis, Deo propitio, poteritis adipisci, firma vobis vestrisque successoribus in perpetuum et illibata permaneant. In quibus hec propriis duximus exprimenda vocabulis, videlicet ecclesiam Sancti Petri de Cona216, altare, personatum, atrium, minutam decimam ejusdem ville ; decimam magnam et minutam de territorio de Foissi434 ; in Monte Arlais435 terciam partem magne decime et minute ; ecclesiam Sti Martini de Dormella192 et personatum ejusdem ecclesie cum capella de Flagiaco442 que ad eam pertinet, et minutam decimam ejusdem parrochie, et molendinum quoddam de Monte Morel quod est in eadem parrochia ; item, in ecclesia Sti Martini de Miri, duas partes oblationum in festivitate Omnium Sanctorum, in Natale Domini, in Purificatione Bte Marie, et atrium, et duas partes decime magne et minute ; et illud quod habetis in ecclesia de Savins436, scilicet in crastino Natalis Domini, duas partes tortellorum et in Purificatione, duas partes candelarum, post messionem presbiteri, terciam partem decime tam vini quam annone et etiam terciam partem minute decime ; in ecclesia de Sancto Valeriano437 vinginti solidos ; et id quod habetis in ecclesia Sti Lupi de Villa Tierri438, in altare videlicet sextam partem, si ad procurationem clericorum sextam partem expense dederitis ; et id quod habetis in altare Sti Martini de Truisi439, scilicet terciam partem offerende post partem presbiteri, in festivitate Omnium Sanctorum, in Natale Domini, in Purificatione Bte Marie, et etiam terciam partem ville, et terciam partem magne decime et minute ejusdem ville ; sane quartam partem decime de Varenis et quartam partem magne decime de Valentiis440, et minutam decimam de la Vile, et cetera omnia que ecclesie Bti Petri de Cona data sunt in elemosinam : aquam scilicet que subterfluit monasterio, cum passagio ex prata de Milleris que data sunt a beate memorie Ala, comitissa Blesensi441 et quartam partem salagii de Mosteriolo, et censum de Moncellis in molendino stanni de Sto-Valeriano437, dimidium modium frumenti, et terciam partem de Chasneto ; preterea, in villa Emanti442 duodecim solidos et tres obolos ; et terram quam habetis ad Montmacho442, et apud Palai440 decem solidos ; et nemus Arlais et partem octavam quam habetis in nemore Sti Mauricii et usagium in nemore Sti Petri et terram quam habetis in parrochia de Blena442 ; hospites, prata, molendinum, alnetum et nemus, atque quartam partem territorii de Villafro, et alodum de Saveniaco437. Et quicquid pretere immunitatis, quicquid libertatis seu donationis a predecessoribus nostris seu a catholicis regibus ecclesia nostra hactenus habuisse dinoscitur, ratum et stabile permanere sancimus. Decernimus ergo ut nulli omnino hominum liceat prefatam ecclesiam temere perturbare, aut ejus possessionesb auferre, vel ablatas retinere, minuere, seu quibuslibet molestiis fatigare ; sed omnia integra conserventur eorum pro quorum gubernatione et sustentatione concessa sunt, usibus omnimodis profutura ; salva in omnibus Sedis Apostolice auctoritate, et nostra successorumque nostrorum canonica justicia. Si qua igitur in futurum ecclesiastica secularisve persona hanc nostre constitutionis paginam sciens, contra cam venire temptaverit, omnipotentis Dei iram et nostram maledictionem se incursurum noverit. Cunctis autem eidem ecclesie jura sua servantibus, sit pax Domini nostri Jhesu Xristi, quatinus et hi fructum bone actionis percipiant, et apud districtum judicem premia eterne pacis inveniant.

Actum Senonis, anno Dominice Incarnationis Mº Cº LXXº III.