Renier, prieur de Pomponne, avec l'approbation de l'abbé de Ruricourt Henri, s'accorde avec Simon, prieur de Gournay-sur-Marne, pour exonérer de toute charge six arpents de terre que le prieuré possède à Liaubon.
- A Original perdu.
- B Copie de 1223, Arch. nat., LL 1397, fol. 32, non collationnée, et visiblement incomplète.
- a Recueil des chartes et documents de l’abbaye de Saint-Martin des Champs, monastère parisien, Joseph Depoin (éd.). Ligugé : 1913-1921.
Noverint presentes et posteri Simonem priorem et monachos ecclesie Beate Marie de Gornaio recepisse duorum arpennorum terram a donno Renerio priore et canonicis de Ponpona ad censum duorum denariorum singulis annis persolvendorum. Quatuor etiam arpennorum terram prefati monachi a quibusdam emerunt hominibus, tali conditione quod homines illi reliquam terram tenentes, censum terre illius empte, scilicet nummos, ecclesie de Pomponia singulis annis persolvent. Sin autem censum a monachis requirent canonici, et eis monachi infra octo dies restituent ; itaque, censu reddito, totam illam sex arpennorum terram que prope granchiam de Luabum101 sita est, libere et quiete monachi possidebunt. De hominibus vero, vel eorum heredibus, iii illos census nummos, sicut pepigerunt, reddere nolentibus, canonici de Ponpona, secundum pactum et tenorem hujus scripti, monachis justiciam facient. Actum est assensu magistri Henrici abbatis de Liricurte242, tociusque capituli ejusdem ecclesie, et sui impressione sigilli, ne a posteris valeat infirmari, confirmatum, testibus qui interfuerunt subnotatis.