Hugues, sous-prieur de Saint-Martin, informe Guillaume II, abbé de Cluny, que sa communauté vient à résipiscence et le prie de désigner un supérieur pour la régir.
- A Original perdu.
- B Copie au Cartulaire D de Cluny, nº 187.
- a Bruel, Chartes de Cluny, nº 4475, t. VI, p. 29.
- b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Reverendo patri ac domino W[illelmo], Dei gratia abbati Cluniacensi, sacroque conventui, frater H[ugo] humilis subprior Sancti Martini de Campis et ejusdem loci conventus salutem, obedientiam et omnem in Domino subjectionem. Noverit Prudentia vestra, quod paterfamilias filium prodigum, etc. Haec et hiis similia sacrae paginae testimonia si diligenter inspiciatis, nobis veniam indulgendam facilius censebitis, maxime cum in brevi reversus dici non debeat divertisse. Attendatis etiam, quod nihil unquam consimile commisimus, sed materno lateri feliciter semper adhaesimus, necessitatibus vestris filiali devotione subvenientes, et mandatis obedientes, hoc idem in posterum fideliori corde et actu servaturi. Nos igitur in unitate devotionis vestrae humiliter et fideliter reversos, misericorditer tanquam filios concordiae vestrae exaudiatis in persona idonea, ecclesiae nostrae, inimo potius et vestrae ita providentes, ut in provisione vestra resplendeat et materna pietas et paternus affectus, et nos et Patria ad majorem devotionem vobis teneamur et dilectionem.