Le pape Honoré III concède aux moines de Saint-Martin-des-Champs la dîme des novales, conformément à la présomption canonique, partout où les anciennes dîmes leur ont été données dans l'étendue d'une paroisse.
- B Copie de 1418, Arch. nat., LL 1358, fol. 81.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Universis presentes litteras inspecturis. Officialis curie Parisiensis, salutem in Domino. Noveritis nos, post estivale vidisse litteras apostolicas annotatas inferius in hec verba :
« Honorius episcopus, servus servorum Dei, dilectis filiis Priori et conventui Sancti Martini de Campis Parisiensis, salutem et apostolicam benedictionem. Religionis vestre promeretur bonestas ut vos graciam Sedis Apostolice prosequentes, vestris precibus favorabiliter annueramus quas secundum Deum possumus exaudire, quia nobis arbitramur accrescere quod vobis, pietatis intuitu, possumus impertiri. Eapropter, dilecti in Domino filii, vestris supplicacionibus inclinati, auctoritate vobis presencium indulgemus ut intra terminos parochialium ecclesiarum illarum, in quibus vobis veteres decime sunt concesse, de novalibus quoque decimas percipere valeatis, cum ubi manus conceditur, munus etiam in hoc casu videatur esse concessum. Nulli ergo omnino hominum liceat — — se noverit incursurum.
« . » a.
Transcriptum autem hujusmodi litterarum fecimus sub sigilli Parisiensis curie, cujuslibet jure salvo.
Datum anno et die predictis.