U. p. l. i. Guillelmus, permissione divina Parisiensis ecclesie minister indignus — — cum inter Priorem et — — conventum Sancti Martini de Campis — — et Petrum de Ceverento, clericum, et Adam armigerum, fratrem ejus — — super communi justicia et dominio ejusdem ville hospitum et aliorum que communiter possidentur in predicta villa — — controversia verteretur,— — amicabilis compositio — — intervenit in hunc modum : — — Si aliquis in predicta communi justicia sive terra in forefacto deprehensus fuerit sive captus, et ejus mobilia, occasione forefacti, fuerint occupata, si a servientibus Prioris Sancti Martini hec facta fuerint, ille qui captus fuerit apud Sanctum Martinum Parisius in prisoniam ducetur, et bona ejus que capta fuerint vel saisita, ostensa postmodum dictis Petro et Ade, vel eorum successoribus qui de dictis justicia et terra communi in homagio Prioris et conventus erunt, cum hoc patierint, in custodia Prioris erunt et saisina, sine diminutione et dolo, donec de forefacto fuerit judicatum, vel aliquid aliud concorditer ordinatum. Si vero a predictis fratribus vel eorum successoribus sive eorumdem partionariis, — — in pr. justicia — — aliquis in forefacto deprehensus fuerit sive captus, et bona ejus, occasione forefacti, occupata fuerint vel saisita, postquam — — a Priorie Sancti Martini vel ejus serviente qui pro tempore custodierit domum suam de Monceleus138, sive a camerario vel baillivis, seu a majore Sancti Martini, — in quocumque loco fuerint requisiti, presentibus alquibus qui hec videant et qui non sunt servientes dict. fratrum — — sive — — conventus, — — reddere tenebuntur Priori — — tam illum qui in forefacto deprehensus fuerit sive captus, quam bona illius — — nec extra feodum duci poterit deprehensus in forefacto sive captus. 1 Si aliquis contra aliquem de — — terra communi, in aliqua causa, gagia daret, in curia Sancti Martini Parisius gagia ducentur — — et processus — — — in curia Sancti Martini esset, vocatis ad tractandum de processu cause fratribus supradictis. Et si duellum fieri contingeret, similiter fieret Parisius in curia Sancti ; et de emendis vel emolumentis qui occasione gagiorum — — vel duelli provenient, Prior — — haberet medietatem. — — Prior Sancti Martini ponet forestarium suum in nemore communi ; similiter dicti fratres ponent forestarium suum — — tenebitur juramentum prestare dictis fratribus (et vice versa). De predictis firmiter observandis dicti fratres et Johannes dictus Sebaudus eorumdem partionarius — — fidem — — prestiterunt corporalem.

Actum anno Domini Mº CCº XLº IIº, mense januario.