A tous ceux qui ces presentes lettres verront, Jehan le Saulnier garde de la prevosté de Paris, salut. Nous faisons a savoir que, par-devant nous vindrent René Loys, Robert Pigeon et Guillaume Dango procurateurs pour toute la Communauté de la ville de Gaigny83 — et Robert d' Orleans procurateur du couvent de Gournay — — disent et affirment pardevant nous qu'il avoient fait ung accord entre eulx en la manière qui s'ensuit : c'est à savoir que de toutes les prises et de tous les contans des prises qui ont esté et pouroient estre faites entre led. couvent et la communauté pour la raison de la bannerie que led. couvent demande a lad. communauté, de la feste S. Jehan Decolasse dernierement passée jusques a la My quaresme prochain venant, les procurateurs de lad. communauté rendront au couvent xii lb. de parisis pour souffrir qu'il aillent moudre eux et tous ceux de Gaigny a aultre molin jusqu'aud. terme. S'il advient qu'il soit jugié contre lad. communauté qu'il soient banniers aus devantdits molins et sauf ausd. parties que cet accord ne leur puisse nuyre en la querelle du plait principal qui est entre eulx par devant nous — — et si le jugement estoit pour la ville de Gaigny, lesd. procurateurs seroient quittes desd. xii livres — — En tesmoing de ce nous avons mis le séel de lad. prevosté de Paris en ces lettres, l'an de l'Incarnation N. S. mil deulx cens soixante six le samedi après la sainct Denys.