Universis p. l. i. frater Hugo, humilis prior Bti Martini de Campis, salutem in Domino. Noveritis nos litteras Rev^m fratrum nostrorum Prioris et conventus prioratus nostri de Gornaio, anno Domini millº ducentº LXº sexto, mensis januario, legisse et vidisse in hec verba :

« O. p. l. i. frater Adam, humilis prior de Gornaio, et ejusdem loci conventus, eternam in Domino salutem. Notum facimus quod, cum religiosus vir Petrus, predecessor noster in prioratu de Gornaio, per ordinationem Fratrum inter ipsum et conventum nostrum de Gornaio, assignavisset dicto conventui, de assensu et voluntate ipsius conventus, viginti duas libras singulis annis percipiendas in hunc modum : videlicet quatuordecim libras par. in pedagio de Gornaio, quadraginta solidos de Essarculis, quatuor libras de castelleto Parisiensi et apud Meduntam quadraginta sol. paris., generali faciendo conventui tam bis in hebdomada, per triginta sex hebdomadas, et quinque precipuis festivitatibus videlicet Nativitate Domini, Pascha, Pentecosten, Assumptione beate virginis Marie, in festo Omnium Sanctorum, pro luminari faciendo in refectorio et in infirmariis, pro condimento potagii in Adventu Domini et Quadragesimaa, pro omnibus soporalibusb per totum annum, pro cenis pro tribus minucionibus que fiunt per annumc, pro infirmariis que fiunt post Nativitatem Domini, pro universis pitantiis in quibus tenebantur Priores de Gornaio predicto conventui, que omnia et singula dictus conventus, per ordinationem factam inter ipsum et predecessorem nostrum, tenetur facere suis sumptibus et expensis ; Nos et dictus conventus, pensata utilitate utriusque partis, honestatem et honorem Dei et ecclesie nostre ac ordinis communiter attendentes, diminutionem servitii Dei in nostra ecclesia et scandalum ejusdem evitare cupientes, de consilio domini Prioris Sti Martini de Campis et majorum de ecclesia Sti Martini qui in hoc concordaverunt, addendo ordinationi predicte ordinavimus in hunc modum : videlicet quod nos et successorus nostri Priores in prioratu de Gornaio forestam aque de Veteri Gornaio et duo arpenta et dimidium prati sita in Vingnaco, in censiva ecclesie nostre, et quatuor libras de Castelleto supradicto, que ad dictum conventum pertinebant, ex nunc in perpetuum teneamus et possideamus, pacifice et quiete. In recompensationem vero predictorum, dictus conventus duodecim arpenta pratorum sita in un petia, inter Gornaium et Kalam, in censiva et dominio ecclesie de Gornaio, que ad Priores de Gornaio pertinebant, tenebit absque redebentia aliqua et absque censu et in perpetuum possidebit cum supradictis omnibus que a predecessore nostro predicto conventui fuerant assignata — — Datum anno Domini millº ducentº sexagesimo sexto, mense januario. »

Nos vero, pensata voluntate utriusque partis, considerata honestate dicti prioratus nostri de Gornaio et de salute animarum cogitantes, dictas ordinationes in prescriptis litteris contentas — — approbamus, et precepimus eas inviolabiliter observari. — —

Datum anno Domini et mense predictis.