Arrêt du Parlement reconnaissant au Prieur de St-Martin le droit de haute et basse justice sur la ville de Limoges-en-Brie, dans la châtellenie de Melun, sauf sur les feudataires.
- A Original scellé, Arch. nat., K 36, nº 58.
- B Vidimus de « Jehan Ploiebanch, garde de la prévosté de Paris, l'an de grâce mil CCC et neuf, lundi avant la Saint-Martin d'hiver ». L 877, nº 45.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
- Tardif, Mon. historiques, p. 354, nº 914, d'après A.
Philippus Dei gratia Francorum rex, notum facimus universis t. p. q. f. quod cum (.) baillivus noster Senonensis in nostra curia dixisset et proposuisset contra [Petrum] priorem et conventum Sancti Martini de Campis Paris., quod alta et bassa justicia ville de Limogiis et pertinenciarum ejusdem sitarum infra Castellaniam nostram de Meleduno ad nos pertinebat, cum generale sit et notorium quod nullus habeat infra dictam Castellaniam altam vel bassam justiciam, nisi illam habeat per punctum carte vel tanto tempore eam habuerit et explectaverit, quod sibi sufficere debeat ad jus dominii acquirendum ; diceret eciam dictus ballivus quod generaliter omnes casus alte justicie qui in dicta Castellania accidunt ad nos spectant : Procuratore dictorum Prioris et conventus Sti Martini contrarium asserente et dicente quod villa de Limogiis, ecclesia et decime ipsis Priori et conventui data fuerint a regibus Francie predecessoribus nostris, sine retentione aliqua quam ibi fecerint ; et quod dicta juridictione alta et bassa in villa de Limogiis et in ejus pertinenciis dicti Prior et conventus et eorum predecessores usi sunt tanto tempore quod sufficit eis ad jus et dominium acquirendum. Tandem, visis probationibus hinc inde productis, et rationibus hinc inde plenius intellectis, dicti Prior et conventus ab impetitione pred. nostri Ballivi fuerunt per nostre curie judicium absoluti, retenta nobis alta et bassa justitia in hominibus feodalibus, de corporibus, mobilibus, et catalis eorum, si qui sint in dicta villa de Limogiis, et ejus pertinenciis, vel fuerint in futurum. Quod ut ratum et stabile permaneat in futurum, presentibus litteris nostrum fecimus apponi sigillum.
Actum Parisius, .