U. p. l. i. frater Adam, humilis prior Bte Marie de Gornaio super Maternam, totusque ejusdem loci conventus, salutem in Domino. Notum facimus quod, cum inter nos et ecclesiam nostram de Gornaio, ex una parte, et viros religiosos abbatem et conventum Sti Petri Fossatensis et eorum ecclesiam ex altera, questio verteretur super eo quod nos, ecclesie nostre de Gornaio nomine, dicebamus nos habere jus percipiendi decimas lanarum, agnarum, vitulorum et porcorum in quodam manerio quod vocatur granchia defuncti Ludovici, eo videlicet quod quedam pars dicti manerii, scilicet illa pars in qua sunt tecta animalium et in qua parte animalia in dicto manerio existentia nutriuntur et jacent assidue, sita est infra fines sive metas parochie nostre de Essona, cujus parrochie de Essona decimatio ad nos et ecclesiam nostram, de consuetudine seu de jure patronatus pertinet ; dictis vero abbate et conventu Fossatensibus in contrarium asserentibus se, nomine ecclesie sue, esse et fuisse a longis temporibus retroactis, in possessione percipiendi et habendi decimas agnorum, vitulorum et porcorum in dicto manerio, eo videlicet quod altera pars manerii, videlicet illa pars in qua inhabitantes dictum manerium manent et habitant sita est, ut dicitur, infra fines sive metas parrochie de Everiaco107 cujus parrochie decimatio ad ipsos abbatem et conventum de consuetudine seu de jure patronatus dicitur pertinere. Tandem, bonis viris mediantibus inter nos et ipsos — — fuit amicabiliter, unanimiter et finaliter, in modum qui sequitur, concordatum : ita videlicet quod — perpetuo decimas agnorum tantummodo in dicto manerio seu tecto, sita in dicta parrochia nostra de Essona, libere percipient et quiete ; et nos et ecclesia nostra de Gornaio habebimus perpetuo et percipiemus in eodem manerio decimas lanarum, vitulorum et porcorum tantummodo, libere et quiete — —

Datum anno Domini 1283, mense februario.