Vente par Étienne Boucel et Marie, sa femme, aux chanoines de Saint-Merry de la moitié d'un pressoir et d'une maison.
- B Bibliothèque vaticane, Reg. lat. 907, fol. 1-62, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
De emptione medietatis cujusdam pressorii et cujusdam domus. — Petrus [de Nemosio]1, Dei gratia Parisiensis episcopus, omnibus presentes litteras inspecturis, in Domino salutem. Notum facimus quod, constituti coram nobis Stephanus, filius Garini Bocelli defuncti, et Maria, uxor ejusdem Stephani, recognoverunt se vendidisse canonicis et clericis Sancti Mederici Parisiensis medietatem cujusdam torcularis et proventuum ejusdem, quod nuncupatur pressorium Sancti Mederici, situm juxta clausum de Maucoart, et quamdam domum in Vico Novo sitam, in fundo terre Sancti Mederici, pro viginti quinque libris Parisiensis monete, promittentes, fide interposita, se garantizaturos supradictis canonicis et clericis antedicta tenimenta adversus omnes homines et eos penitus super hiis conservare indempnes ; et fratres ejusdem Stephani, scilicet Guarinus et Theobaldus, similiter constituti coram nobis sepedictis canonicis et clericis hanc venditionem laudaverunt pariter et quitaverunt. Nos vero, ad petitionem partium, has litteras sigilli nostri munimine duximus corroborandas. Actum .