Fin xiie siècle. Cartulaire. Saint-Merry de Paris. Cartulaire et censier de Saint-Merry de Paris, par Léon Cadier et Camille Couderc, Nogent-le-Rotrou, 1891, 173 pages, tiré à part de Mémoires de la Société de l’histoire de Paris, t. 18, 1891, p. 101-271.

Fin xiie siècle1

Sentence de Philippe archidiacre de Paris, au sujet de certains droits qu'Helluin de Meulant avait usurpés sur les chanoines de Saint-Merry.

B Bibliothèque vaticane, Reg. lat. 907, fol. 49v°, cartulaire du XIII^e ou XIV^e siècle.

a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.

D'après a.

De compositione facta inter canonicos Sancti Mederici et Helluinum de Mellento super quadam terra. — Ego Phylippus, Parisiensis archidiaconus, notum fieri volumus tam futuris quam presentibus quod, inter canonicos Sancti Mederici et Herluinum de Mellento, majorem et ministrum Balduini de Barris, in presentia nostra, causa ventilata est super quadam terra, quam predictus Balduinus tenet a canonicis Sancti Mederici, ad censum vi denariorum, singulis annis, ad octabas beati Dyonisii reddendorum, et in Natali Domini unum sextarium avene, et duos panes de minello frumenti et duo capones similiter pro ea reddit prefatis canonicis. De terra autem illa habent canonici venditiones, relevationes2, investituras et duelli deductionem, usque advii solidos et vi denarios. Helluinus autem bis injuste venditiones eis abstulit : unde ante nos citatus, causa diu agitata, probato et cognito jure ecclesie Sancti Mederici, quod bis abstulerat, pet justitiam nostram eis reddidit, promisitque quod de cetero nec ipse, nec alius per ipsum, pro jure illius terre, canonicis predicte ecclesie vexarent ; immo etiam ipse, pro jure ecclesie a se injuste usurpato, si necesse esset, staret et coram quibuslibet illud confiteretur et defenderet. Quod ut ratum et inconcussum perpetuo permaneret, presentem cartam sigilli nostri auctoritate communiri et legitimorum testium, qui presentes cause diffinitioni interfuerunt, nomina subscribi fecimus. Stephanus, Aurelianensis archidiaconus, magister Gerardus de Sancto Dyonisio1, magister Osmundus, Johannes Droco, tres canonici Sancti Mederici, Arnulphus, Renoldus, Babus, Stephanus, Symon, servientes Gerardi archidiaconi2, Pipinus, rasor, Bernardus, serviens Basonis canonici Parisiensis, Hubertus, Constantinus, precones, Erneisius, speciarius, Herbertus, ejus famulus, testes sunt.