Sentence arbitrale rendue par Barthélemy, chanoine de Saint-Merry, au sujet de 2 sous de rente annuelle qu'un certain Guillaume et sa femme prétendaient avoir sur la maison de Robert Le Masson.
- B Bibliothèque vaticane, Reg. lat. 907, fol. 1-62, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
De Guillelmo et Auxendi, uxore ejus, quo modo quitaverunt nobis duos solidos census sitos supra domum que fuit R[oberti] Cementarii. — [Fol. 53] Officialis Parisiensis omnibus presens scriptum inspecturis in Domino salutem. Noveritis quod constituti coram nobis Guillelmus et Auxendis, ejus uxor, de querela que vertebatur inter ipsos, ex una parte, et canonicos Sancti Mederici Parisiensis, ex altera, super duobus solidis annuatim assignatis eisdem canonicis, pro quodam anniversario faciendo, supra domum, que fuit Roberti Cementarii, in vico de Quiquempoit, compromiserunt, fide media, in magistrum Bartholomeum, concanonicum ejusdem ecclesie, promittentes, eadem fide, quod, quicquid idem Bartholomeus super premissa querela statuerit, ipsi inviolabiliter observarent, nec contra dictum suum aliquatenus super hoc reclamarent. Dictas vero Bartholomeus dicto suo statuit predictos duos solidos predicte ecclesie pacifice remanere, nec predicti Guillelmus et Auxendis super predictis duobus solidis predictam ecclesiam de cetero inquietare. Dictus vero B[artholomeus] dedit dictis Guillelmo et Auxendi v solidos, de bonis ecclesie memorate, et pallium reddidit obligatum eisdem pro censu anni preteriti. Actum .