Composition d'après laquelle les chanoines de Saint-Merry reconnaissent aux léproseries de Juvisy et de la Banlieue le droit de percevoir 9 sous de rente sur des maisons situées dans la rue Neuve-Saint-Merry.
- B Bibliothèque vaticane, Reg. lat. 907, fol. 55v°, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
De xii denariis census recisis de decem solidis collatis duabus leprosariis ; qui decem solidi erant augmentati census in censiva canonicorum Sancti Mederici. — Omnibus presentes litteras inspecturis officialis curie Parisiensis salutem in Domino. Notum facimus quod cum leprosi de Givisiaco1 haberent v solidos augmentati census et leprosi de Banleuca2 alios quinque solidos, singulis annis ex elemosina defuncti Bernardi de Sancto Victore, supra domos quasdam sitas in Vico Novo, in fundo terre Sancti Mederici Parisiensis, et canonici ejusdem ecclesie predictos leprosos compellerent ad illos decem solidos extra manum suam ponendos, sicut magistri dictorum domorum leprosorum nobis intimaverunt, tandem partes in hoc convenerunt quod ipsi canonici voluerunt et concesserunt ut domos leprosorum predictorum, de censu predicto augmentato, novem solidos, utraque scilicet domus quatuor solidos et dimidium1, supra domus illas in perpetuum teneant et percipiant annuatim, ita quod ad eos vendendos vel alienandos de cetero non poterunt coarctari ; dictique canonici et eorum successores residuos duodecim denarios in recompensationem percipient ventarum, tamquam suos. Et hoc factum est, salva et retenta dictis canonicis et eorum successoribus omnimoda justicia et jurisdictione, que pertinet ad fundum terre. Nam dicti leprosi, in domibus sepe dictis, nichil preter ix solidos illos augmentati census poterunt reclamare. In cujus rei testimonium et approbationem presentes litteras, ad petitionem partium, sigillo curie Parisiensis fecimus communiri. Actum .