8 août 1285. Cartulaire. Saint-Merry de Paris. Cartulaire et censier de Saint-Merry de Paris, par Léon Cadier et Camille Couderc, Nogent-le-Rotrou, 1891, 173 pages, tiré à part de Mémoires de la Société de l’histoire de Paris, t. 18, 1891, p. 101-271.

8 août 1285

Accord qui fixe à 19 sous parisis la part de la confrérie des Ardents et à 7 sous celle des chanoines de Saint-Merry dans les 26 sous de cens annuel qui sont perçus sur une maison sise rue Simon-le-Franc.

B Bibliothèque vaticane, Reg. lat. 907, fol. 62r°, cartulaire du XIII^e ou XIV^e siècle.

a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.

D'après a.

De amortizatione capellanorum Beate Marie Parisiensis. — Universis presentes litteras inspecturis G[aufridus de Barbo], canonicus, et capitulum Parisienses salutem in Domino. Notum facimus quod cum capellani communitatis capellanorum ecclesie Parisiensis et confratria Ardentium in ecclesia memorata haberent et perciperent, quolibet anno, viginti sex solidos parisiensium annui augmentati census, videlicet dicti capellani, nomine et ratione communitatis predicte, viginti unum solidos parisiensium super domo Johannis dicti Parrere et Marie, ejus uxoris, que quondam fuit Radulfi de Conchis, sita Parisius, in vico Symonis dicti Franque1, contigua, ex una parte, domui Ascelini de Chambeliaco, et, ex alia parte, domui Stephani de Conchis, in censiva Sancti Mederici Parisiensis, et canonici dicte ecclesie Sancti Mederici compellerent dictos capellanos et confratriam ad ponendum dictos viginti sex solidos parisiensium annui census extra manum suam, tandem canonici dicte ecclesie Sancti Mederici voluerunt et expresse concesserunt quod dicti capellani et eorum communitas et confratria predicta et successores sui habeant et percipiant, ex nunc in perpetuum, in manumortua ad opus communitatis et confratrie predictarum, super domo predicta, decem et novem solidos parisiensium, de dictis viginti sex solidis parisiensium ; et dicta ecclesia Sancti Mederici alios septem solidos parisiensium, pro amortizatione dictorum decem et novem solidorum parisiensium in perpetuum percipiet et habebit. Nos autem super premissis auctoritatem prestantes nostram, assensum super hiis prebuimus et consensum. In cujus rei testimonium sigillum nostrum presentibus litteris duximus apponendum. Datum anno Domini Mº CCº octagesimo quinto, die mercurii [8 augusti] ante festum beati Laurentii1.