Mathurine, pricure de Haute-Bruyère, abandonne au Roi un cens sur la maison du bourgeois Jehan Chanberi (de Chambly)
- B Bibl. nat. de France, lat. 5657, fol. 88-89.
- a Cartulaire de l'Hotel-Dieu de Pontoise, éd. Joseph Depoin, Pontoise, 1886.
Universis ad quos presentes littere pervenerint, Mathurina Altebruerie humilis priorissa, totius que loci conventus, salutem in Domino. Cum Johannes dictus Chanberi et ejus uxor burgenses Pontisare, tenerant a nobis et possiderant quondam partem cujusdam domus site juxta vel prope pontem Pontisare , ad unum denarium censualem per annum et Dominus Rex Francorum dictam domum ad opus suum et voluntatem suam faciendam in manu sua ceperit, nos eidem de assensu capituli nostri, dictum denarium censualem quem pro dicta domo annis singulis percipiebamus, benigne et voluntarie, et sine coactione aliqua quitavimus, pro tali recompensatione quam ipse vel ejus mandati nobis pro dicto denario censuali duxerint faciendam, omne jus et dominium quod habebamus in dicta domo, racione census predicti, in Dominum Regem transferendo, volentes et concedentes quod omnia que poteramus et debebamus reclamare in predictis domo et censu, Dominus Rex inperpetuum in manu mortua teneat, possideat et habeat utsuper his omnibus predictis suam plenarie faceat voluntatem. In cujus rei testimonium presentes litteras fecimus sigilli nostri munimine roboratas. .