Amortissement d'une maison à Pontoise par la dame de Faiel, le sire de Montfaucon et le comte de Dammartin.
- A Original sans sceau. Arch. hosp. Pontoise, B 74. Détruit en 1944.
- B Bibl. nat. de France, lat. 5657, fol. 100.
- a Cartulaire de l'Hotel-Dieu de Pontoise, éd. Joseph Depoin, Pontoise, 1886.
Sciant omnes presentes pariter et futuri quod ego Theophania de Faiel quondam uxor domini Eustachii de Faiel militis, pro salute anime mee, patris, matris, et animis antecessorum meorum, volo, laudo et gratas habeo venditionem et quitationem quas fecerunt Andreas dictus Parvus Oculus et Ysabel uxor ejus, priori, fratribus et sororibus Domus Dei de Pontisara juxta pontem, de quadam domo que movet de feodo meo, sita apud Pontisaram in vico Beate Marie Pontisare, et quadam pecia terre eidem domui adjacente, quas domum et terram pacifice, libere et quiete imperpetuum in manu mortua possidendas com (sic) omni jure et dominio quod habebam vel habere poteram in eisdem, dictis priori et fratribus et sororibus dicte Domus, et eorum successoribus, de me et meis heredibus quito penitus et dimitto, et in super domum et terram supradictas dictis priori fratribus et sororibus guarantizare de cetero quod omnes me et heredes meos obligo et promitto. Et ad hoc confirmendum, in viduitate sigillo meo presentes roboravi. Ego autem Matheus de Montfaucon armiger, secundus dominus dictarum domus et terre, pro salute anime mee, patris, matris et omnium antecessorum meorum venditionem et quitationem predictas volo, laudo et in manu mortua possidendas concedo. Et ut hoc firmum et stabile permaneat, sigillo meo una cum sigillo dicte Theophanie confirmavi. Ego vero Matheus de Trie comes de Dantmartin capitalis dominus domus et terre jamdictarum, has venditionem et quitationem prenotatas volo, laudo et in manu mortua possidendas concedo... Et ad perpetuum robur prescriptorum, presentes litteras una cum sigillo dictorum Theophanie et Mathei sigilli mei munimine confirmavi. Actum , mense febriarii.