Odes de Sannois, chevalier, et sa femme Jehanne, confirment la vente du fief de Geoffroy de la Chapelle.

Universis presentes litteras inspecturis vicarius Rothomagensis archiepiscopi in Pontisara et Vulcassino Francie, salutem in Domino. Notum facio quod quod in nostra presentia constitutus Odo dictus de Centum Nucibus miles et domina Johanna ejus uxor tunc de parochia ejusdem loci, Parisiensis dyocesis, recognoverunt quod cum nobilis vis dominus Gaufridus de Capella miles et domina Margareta ejus uxor vendidissent magistro et priorisse... Domus Dei de Pontisara quemdam feodum cum uno retrofeodo quos tenebant et possidebant a predicto domino Odone milite, apud villam que gallice dicitur les Mesieres, scilicet tam in terris arabilibus, censibus, redditibus, hostisiis, justiciis, campipartibus, domibus, quam aliis quibuscumque rebus, dicti Odo et Johanna venditionem et quitationem dictis religiosis a domino Gaufredo et ejus uxore factas de rebus premissis ratas et firmas habent... et tactis sacrosanctis evangeliis et voluntate spontanea promiserunt quod... nichil de cetero reclamabunt... et quantum ad premissa fideliter et firmiter observanda se nostre juridictioni supposuerunt, ubicumque contigerit ipsos seu alterum ipsorum translerre domicilium vel personam. In cujus rei testimonium... presentibus litteris sigillum curie Pontisare duximus apponendum. Actum anno Domini Mº CCº LXº sexto, mense septembris (decembris) die Jovis post octabas S. Nicholai hyemalis.