Bail à rente par l'Hôtel-Dieu à Pierre le Maire de Vallangoujard, de terres à Brécourt.

A tous, etc. Dreue le Jeune... Pardevant nous Pierre le Mere le Juene demourant à Valengouiart escuier et damoisele Jehane sa femme... recognurent... que ils avoient pris a rente a heritage perpetuel de gens religieus la prieuse, le prieus, les freres et les sereurs de la Meson Dieu de Pontoyse... deus pieces de terre entretenans contenans environ sis arpens seans dessous Breecourt, joignanz dune part a Oudart de Brecourt et d'autre part a la terre qui fu Herbert le Mere, mouvant de mesire Enguerran prestre de Herouville a troiz deniers de chiers cens que lesdiz religieus paieront a touz jous et a chanpart de quatorze gerbes les deus et a une gerbe de don par chaque arpent tant seulement... C'est assavoir tout pour le pris de huit sestiers de blé yvernage au tesmoing du blé du minage de Pontoyse, de rente annuele... chascun an dedenz le terme de Noel... En tesmoing de ce nous avons mis en ces lettres le scel desusdit lan de grace mil ccc. et sept, le samedi devant feste Saint Jehan Baptiste.