Les moines du Fay donnent pouvoir à frère Jehan Alabarbe, prêtre, profès de leur ordre, de conclure une vente faite à l'Hôtel-Dieu et d'en toucher le prix
- B Copie non certifiée, du XVe siècle. Arch. hosp. Pontoise, B 63. Détruit en 1944.
- a Cartulaire de l'Hotel-Dieu de Pontoise, éd. Joseph Depoin, Pontoise, 1886.
Universis p. l. i. Frater Radulphus humilis minister domus de Fayaco ordinis sancte Trinitatis et captivorum Rothomagensis diocesis, et totus ejusdem loci conventus, salutem in Domino sempiternam. Noverit universitas vestra quod nos dilectum nostrum fratrem Johannem dictum Ad Barbam presbiterum, latorem presentium, domus nostre predicte professum, constituimus et facimus procuratorem generalem ad recipiendum sex libras parisienses a priorissa et sororibus Domus Dei Pontisarensis quam pecunie summam debent de vendicione decem solidorum paris. quos habebamus in censiva d Maceriis, quos decem solidos non poteramus tenere in manu mortua, sed illos nos extra manum nostram ponere oportebat. Damus etiam dicto fratri Johanni plenariam potestatem de venditione dictorum decem solidorum faciendi, et omnia alia et singula faciendi que verus et legitimus procurator facere potest et debet, et que nos faceremus et facere possemus, si presentes essemus, ratum et gratum habituri quidquid per dictum procuratorem actum fuit in premissis. .