Fondation du prieuré de Mortcerf
- B Bibl. mun. de Pontoise, ms. 16-18, 20 et 22: D. Estiennot, Historia monaterii Sancti Martini super Viosnam, l. III, i, 15 (analyse) (ex Cartul., cap. 126).
- C Coll. Décamp, tome CIII, fol. 208 (nous avons mis entre crochets les passages omis par D. Estiennot).
- a Cartulaire de l'abbaye de Saint-Martin de Pontoise, J. Depoin (éd.). Pontoise: 1895.
Rogerius66, qui cognomento Burdinus nuncupatur, pro patris sui ac matris, suæ quoque animæ propriæ, atque salute fratrumque suorum et sororum, antecessorum similiter et hæredum suorum omnium, medietatem suæ propriæ terræ scilicet Morissarti67, et omnino quidquid in ea habebat, dedit Deo et ecclesiæ Bti Germani Pontesiensis, monachis insuper tam præsentibus quam futuris, per manus Galterii abbatis atque Anscheri monachi qui primus terram hanc recepit, posito quidem coram omnibus hujus eleemosinæ vademonio super altare Sti Nicolaï capellæ ejusdem Morissarti, in illa siquidem die quâ prima missa ibidem celebrata est [fratribus suis concedentibus et sorore, domino equidem Rorico, de quo fevum est, petente atque concedente. Et dna Isabeldis de Creciaco castro cometissa68, ex qua omnes predictam terram tenunt, in eodem loco, eidemque misæ* præsens, hoc concessit, et quicquid habebat in terra data vel danda, in elemosina ista dedit, et ibi promisit quod suos omnes heredes concedere faceret. Et si quis ex illa aliquid teneret quod in hac elemosina amodo dare vellet, sicut quod supra concedebat.
Cum his vero adfuit Hugo de Curcellis69 qui medietatem ejusdem terræ Moressarti ex Gauterio Orphano70 tenebat, [qui Gauterius homo Rogerii Burdini ex eadem parte erat. Sicut re vera Rogerius Burdinus suæ terræ medietatem dederat, similiter quoque ex eodem parte Hugo iste] medietatem suam dedit, [concedente siquidem ejus uxore cum hæredibus suis et Gauterio Orphano cum sua uxore et hæredibus suis, et Rogerio Burdino, et dno Rorico, de cujus fefo terra erat, et dna Isabeldis comitessa concedentibus.
In hoc loco eademque hora,] Ebraudus ejusque frater Hugo, qui Malivicini71 cognomento vocantur [et quorum sororem habebat Hugo, cum prædictis affuerunt,] qui omnes ex terra quam communiter habebant, particulam in hac elemosina dederunt, [et duos novales alia in parte eadem determinavere, qua alii supradicti dederunt, eorum siquidem uxoribus et hæredibus concedentibus, et] dno Odone de Calmis72, et dno Gelduino de Creciaco Castro, [quorum fevum erat, concedentibus cum suis uxoribus atque hæredibus. Et coram his omnibus] Arnulphus [qui] Grundinus [cognomento nominatur, et Robertus Adelardis filius villæ ? Domini Martini, terram quam mixtam habebant in hac elemosina dederunt, septem arpentes, et prati unum arpentem. Eorum siquidem uxoribus atque hæredibus concedentibus omnibus.
Et] Robertus [qui cognomento] Rufus [appellatur de prædicta villa, particulam terræ... Albuini in hac elemosina dedit, videntibus dictis omnibus istis.
Et isti omnes quorum nomina in cartula hac scripta sunt, datores videlicet et concedentes ecclesiæ, facti sunt testes cum Isabella comitessa, Rogerius ejusdem prepositus, Adelardus Merius73, Odo miles de Damno Martino, Odoardus, Geraldus, Rainaldus cognomento Rex de eadem villa.] Geroldus de Gerolvilerio, [ejusque frater Garnerius, Gauterius, Robertus, Guerardus et] Lambertus de Curtrico74 [sunt iterum ecclesiæ testes.
Igitur qui sua dona Deo ecclesiæque dederunt, et qui eorum donorum veri testes sunt, beneficii cœnobii S. Germani participes se esse credere possunt, id est missarum, orationum et elemosinarum.
His itaque ecclesiæ datis, et super altare vademoniis ab omnibus datoribus positis,] Galterii75 quidem Meldensium episcopi [et ejus decani76 Roscelini jussione, excommunicatio facta est, omnibus qui dederant laudantibus et etiam audientibus aliisque multis. 1 Fiat, fiat.