Jehan de Gisors confirme les dons faits par ses ancêtres à l'Abbaye.

A Original. Arch. dép. Val d'Oise, 9H, cart. Demay. Sceau fruste du sire de Gisors.

B Bibl. mun. de Pontoise, ms. 16-18, 20 et 22: D. Estiennot, Historia monaterii Sancti Martini super Viosnam, l. III, vi, 5.

a Cartulaire de l'abbaye de Saint-Martin de Pontoise, J. Depoin (éd.). Pontoise: 1895.

D'après a.

Quoniam in multis offendimus..... 1 Proindè ego Johannes filius Dni Hugonis de Gisorcio et Dni Teobaldi nepos, antecessorum meorum sequens vestigia qui monasterio S. M. Pontisariensis plurima pro suis animabus contulere beneficia simulque venerabilis domini mei Rotrodi Rothomagensis archiepiscopi atque illustris patrui mei Dni Teobaldi precibus adquiescens et imperio, prefatum monasterium et monachos ibidem Deo servientes, tota virtute diligere, totis viribus honorare, omnesque eorum possessiones et omnia que ad eos spectant, precipuè antecessorum meorum eleemosinas fovere, ampliare, eisque conservare proposui et decrevi..... Verum ut propositum hoc meum certus et efficax sequatur effectus, concedo et confirmo prefato monasterio..... ecclesiam S. Prejecti de Turno90 et decimam ejusdem ville, tam vini quam annone, et medietatem cujusdam alneii ; et apud Linvileirium125 terram quandam, et apud Pontisaram decimam molture molendinorum de Baiarth et de Buticulario ; et insulam que dicitur Telosa349 cum censu et tota justicia ; que cuncta habent de eleemosina domini ac reverendissimi Pagani avi mei et uxoris ejus domine Mathildis. De eleemosina vero patris et matris mee et dni Teobaldi patrui mei concedo eis... decimam molture molendinorum meorum de Gisorcio et de Besu286, et unam marcam argenti quam eis dedit dna Mathildis mater mea singulis annis in redditu meo de Anglia. De eleemosina autem dni Teobaldi patrui mei ecclesiam de Charz49 cum capella domus sue, quas eis ipse dedit ad monachorum propria indumenta. Et apud Pontesiam tres maximos panes de molendino de Baiarth in singulis annis afferuntur in die Pasche super altare Sti Martini. Et duo molendina tannum molentia que ipse dedit eis ad cenam monachorum. Et ecclesiam et decimam de Arunvilla304 et ecclesiam et decimam de Grisi159 et ecclesiam et decimam de Monceio248 et decimam de Avesnis313 et quartam partem ville et nemoris de Nuulli158 et masuram Alberti de Baiarth, et alia omnia ubicumque sint, que monachi S. Martini de dominio sive feodo antecessorum meorum possident et meo. Actum publice apud monasterium Sti Martini Pontesie, ubi ego hujus concessionis mee et confirmationis posui donum super magnum altare coram conventum. Anno Incarnati Verbi Mº Cº LXXº IIº audientibus istis... Dnus Teobaldus de Gisorcio, Johannes Tuuleu (en interligne Lupum), Odo filius Theophanie, Adam Anglicus, Robertus Caberlingus, Richardus Aculeius, Stephanus coquus Regis, Rogerius decanus de Alvers, Hugo Daniel, Raimondus de Porta, Gauterius Torneons, Elinandus Allec261, Geroudus et Albericus famuli, Drogo coquus, Rogerius Asinus. Ut autem hoc firma et inconcussa permaneant, presentem cartham... sigillo meo... corroborari precepi.