Aimery de Narbonne confirme une rente de 100 sous donnee par ses parents à Carrière-sous-Poissy.
- B Bibl. nat. de France, lat. 10997, nº 99.
- a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
Omnibus presentes litteras inspecturis Hemericus de Narbona, clericus, filius quondam bone memorie Nemerici, vice-comitis Narbone et Margarete, ejus uxoris, sororis quondam nobilis viri Mathei de Malliaco, militis, salutem. Notum sit omnibus quod Nemericus et Margareta, uxor ejus, parentes mei, dederunt olim et concesserunt in perpetuam elemosinam abbatie de Portu Regio, parisiensis diocesis C solidos parisiensium annui redditus in censu quem ex parte dicte Margarete habebunt apud Quarrerias in diocesi Rothomagensi, ab abbatissa et conventu prefate abbacie, nomine sui monasterii, habendos et percipiendos annuatim . Quam donationem ego Nemericus volo et accepto et dico me ratam habere coram omnibus, et promitto, etc. In cujus rei memoriam presentes litteras sigilli mei munimine roboravi. Actum .